الأربعاء، 4 فبراير 2009

فلاش باك!!

محطات نمر بها فى حياتنا
منها ما نمر عليها مر الكرام ولا نتوقف عندها كثيرا
ومنها ما نتوقف عندها طويلا طويلا
مغرمين بها او غير ذلك
ربما لأانها غيرت مجريات امورنا للأبد
منها ما نتمنى الا ننتقل منها لغيرها مهما طال بنا العمر
ومنها ما نتمنى لو نغمض اعيننا فنجد انها مجرد كابوس نستيقظ منه حامدين الله !!
هى محطات مررت بها
أحست برغبة جارفة لم أستطع كبح جماحها أن انقلها لكم
ولكن بطريقة جديدة
على طريقة الفلاش باك المعروفة فى الدراما
و أستمحيكم عذرا ان كان بعضها مغلف بالغموض
يعلم الله أنه غموض غير متعمد ولكن احيانا نضطر الى البوح الصامت
فنحقق المعادلة الصعبة
أن نبوح ولكن بدون انفجار قد يأتى بمالا يحمد عقباه!!
000000000000000000000
حليم بيغنى
فى يوم فى شهر فى سنة
تهدى الجراح وتنام
و عمر جرحى انا
أطول من الأيام
تنهيدة طويلة ااااااه يا سلام عليك يا حليم!!
و عمرو دياب بيدندن
ايه ايه ايه ايه
ايه بس الى رماك تعشق تانى يا قلبى
ممممممممممم صحيح عندك حق يا عمورة!!
00000000000000000000000000
هو : انتى ليه بتدخلى العلم فى الدين؟
العلم دا شئ نسبى والدين مطلق
ما ينفعش نربط مطلق بنسبى
أنا: ما احنا لو فسرنا نظرية فى ضوء اية وطلعت النظرية غلط
يبقى العيب فى تفسيرنا مش فى الاية الشعراوى قال كدة
هو بيدحك : انتى صغيرة قوى على كدة
أنا : قرأت كتير قوى
هو : بيقولى على علمانى!!!
أنا :فعلا وبيقولوا انك مشترك فى نادى الروتارى و انك ليك علاقات مع ناش مشبوهة و علمانيين زيك دا صح؟!!
!!!!!!!!
0000000000000000000000000
هى : تصدقى فلانة بتقولى ال ايه حرام تبصى للمغنى الفلانى وكدة والأغانى ومش عارف ايه هى فاكرة نفسها ايه؟!!
أنا : لا بصى ربنا يخليكى انا غلط وانتى زيى هى صح ومش معنى أننا بنغلط يبقى نخلى الغلط صح لمجرد أننا بنعمله ولا ايه!؟؟
بدل ما تتريقى عليها قولى ربنا يهدينى ويهديكى
ثم اسرح بناظرى: تفتكرى نقدر نبقى زيها؟؟!! يا رب
000000000000000000000
هيام: نوسة عندى حتة اقتراح بقة نقضى فيه الاجازة
أنا : الحقينى بيه
هيام: نروح المسجد الى جنبنا نحفظ قران ايه رأيك
أنا : وليه لا؟حفظ القران جميل خالص
000000000000000000000000000
الصور حرام ؟!! ازاى يعنى ؟؟!!
مهنة المحاماة !! غريبة دى
النقاب؟
طيب انا دلوقتى محجبة زى الكتاب بس مش لابسة نقاب أبقى مش محجبة؟؟
هو : للأسف أيوة مش محجبة!!
000000000000000000000000000
تعبت خالص من غير المسجد دا محتاجة علم زى الى كنت باخده
عقيدة فقه علم شرعى يا ناس
هيام : تعالى نروح 0000
نجرب وخلاص
000000000000000000000000000
أنا : مش ممكن القهر دا الى احنا فيه
كل حاجة لا ما فيش مناقشة ولو حصل واعترضت يبقى متمردة؟
هو فى ايه؟؟
هى : دا الأستاذ فاهمة يعنى ايه؟
أنا : ايه بعنى نص اله عايش وسطنا؟!!
أنا تعبت بقة
و فيها ايه لما اصلى فى مسجد 00 0 هو اذا ما كنتش الصلاة وراه مش هتتقبل؟!!
000000000000000000000000000000000
هو:
انتى فاكرة نفسك مين؟
انتى هتعملى قلبة انتى محرومة من كل المساجد الى تحت سلطتى!!
أنا : أبدلنى الله خيرا منكم!!
00000000000000000000000000000

شعارات 000 و صدمات!!
الله أكبر ولله الحمد
الله اكبر الله اكبر ولله الحمد
يا فلسطين يا فلسطين كلنا صلاح الدين
فى سبيل الله قمنا
نبتغى رفع اللواء
لا لدنيا قد عملنا
لا لحزب قد عملنا
نحن للدين الفداء!!
000 و000 أمل الدنيا فى كل مكان!!
فى كل مكان !!
0000000000000000000000000000000
و للحديث بقية عندما يطاوعنى القلم
مع محطات جديدة
منتحرة بخنجر الحرف

ليست هناك تعليقات: